Bronse querte (dialetto veneto)
Categoria : Testimonianze
Published by Webmaster on 13/7/2005
Il Gazzettino Online: il quotidiano del NordEst

Domenica, 17 Marzo 2002

NA ONTA E NA PONTA
LE FERIE DEI VENETI, OVVERO LE PARTENZE INTELLIGENTI
LE BRONSE QUERTE


Nialtri veneti fin poco tenpo fa no savevimo gnanca el significato dela parola "ferie". Le uniche ferie che i nostri veci conosseva no gera Cortina Dunpesso o Caorle ma el ricovaro in ospedae: "Le malatie ze le ferie dei poareti". Oto dý in clinica magnare, bere, riposarse tuto a gratis e in pi¨i te cavava anca la pendice. Na volta nissun spendeva schei par cronparse el costume, el sugaman da spiaja o la giaca a vento de piuma de oco, l'unico aquisto de vestiario fato par el riposo gera el pijama par el ricovaro, scrupolosamente a righe. Desso invesse le ferie ze obligatorie: le mojere le pretende e, sicome l'Italia ze un paese democratico, indove ogni omo ze libaro de fare tuto quelo che ghe piase a so mojere, eco che anca el veneto se fa i so quindise di de ferie. Ma pochi sa quali che ze veramente i gusti del veneto doc par le ferie; el veneto in ferie el fa turismo sessuale: el se ronpe le bae par quindese giorni! L'omo infati no ga na zona erogena particolare, ghe piase essare tocÓ dapartuto, fora che sul tacuin; la dona invesse ga le so zone erogene ben definite: d'inverno Cortina, d'istÓ Ricione! Comunque nialtri in ferie se ronpemo le scatole parchÚ nialtri semo abituai a laorare senpre: giustare le robe rote casa, rumare in giardin, sapare l'orto, insoma mai fermi e, invesse, in ferie se taca stare fermi za dopo diese minuti che se ze partii par via dele partense che poe Ŕssare: "Partense ba¨che" o "Partense inteligenti". Dicesi "partensa ba¨ca", qualsiasi partensa che avien tra le 3 de pomerigio de venare e le 10 de domenega matina da giugno a tuto agosto. El risultato ze tuta la zente incolonÓ che bestema, sua, se insulta e se smoltona. Dicesi "partensa inteligente" quela che avien al scuro nel cuore dela note de luni o de zoba, in assoluto silensio, co i ciari dela mÓchina stuai che i vissini no veda sen˛ i te segue. L'ano scorso Bepi Squaiattolo, el nostro vissin, ga vinto el titolo de "Mister Vacansa Inteligente 2001" essendo andÓ al mare a Sotomarina el 20 dissembre ale tre de note, co manopole de peo de conicio, siarpa, bareta e palt˛...